Hieringe of nao de Pieringe

Lachspiere in de hoegste versnelling! Gruuts prizzentere veer, Toneelgroep Lummel, euze nuie kemedie: Hieringe of nao de Pieringe Wat gebäört es ‘n derderangs theatergezèlsjap ‘n klöch perbeert te speule? Totale chaos … De rezjieseur steit op de rand vaan ‘n zenewinzinking. Acteurs die compleet de kluts kwiet zien, hun tekste en rekwisiete vergete. Geheim relaties die op de bühn oontplóffe. Hieringe die euveral ligke, behave op de zjuste teleur. Deure die zoe hel en op de verkierde mominte touw gegoejd weure tot riechteg de stökke devaan aof vlege! ‘Hieringe of nao de pieringe’ is ’ne hilariesche kemedie euver wie alles achter de sjerme in de sóp löp, oonderwijl me véúr de sjerme perbeert de sjoene sjien op te hawwe. Veer kinne uuch garandere tot euze rezjieseur Jean Ramaekers, weer gans get bezunders en verrassends devaan heet gemaak. Mis ’t neet en koup die kaarte rap, veurtot ’t decor gans instort! Es geer ’n plaots wèlt rizzervere es rolstoolgebruker, rizzerveer daan estebleef plaots 14.